Ta ein utdanka jumbojet, plassér det på ein passande eigedom, røsk ut alt innholdet, sleng inn eit par sengar, stolar og ekstra veggar. Vips så har du verdas første flyhotell i ordets rette tydning. Velkomen inn i Jumbo Hostel!
OK, så bestemte eg meg for å vente til det kom opp i ALLE tenkelege nettaviser før eg posta eit eige innlegg om at dette hostellet opner denne veka. Jo fleire, jo betre seier no eg.
Altså: Du skal ut og fly, men så går ikkje flyet og du må betale overnatting. Vanleg situasjon. Dette har no Oscar Diös gjort noko med. Han bestemte seg i 2007 for å ekspandere sin hotell og hostell-virksomhet. Han tenkte at eit billig alternativ var å bygge eit hostel like ved den svenske hovudflyplassen. I utgongspunktet ein enkel affære, såframt planane går gjennom. Men det å komme på idéen å taue eit utdanka Boeing 747–200 fly til Arlanda flyplass for å innkvartere reisande, er jo ikkje akkurat kvardagskost.
Resultatet ser lovande ut, og frå i går av kunne man sove i ein av dei 25 romma ombord. I tillegg har vel alle hostel/hotell med respekt for seg sjølv ei brudesuite. Dette flyet, rettelse, hostellet er inget unntak. Heilt framme i flyet, i cockpiten, finn du det einaste rommet med eige bad, nemleg brudesuiten. Foruten lobbyen inneheld hostellet spisesal og eit konferanserom.
