Lei av å måke snø? Eg kan diverre ikkje garantere at det ikkje kjem meir dalande ned frå himmelen, men kan trøste deg med at eg nok ein gong har samla ein del digitalt knask til deg. Eg trur du kjem til å inneha fleire fakta, det vere seg nyttig og unyttig, etter du har snoka deg gjennom dagens spalte. Det er fredag!

Lær nye ting kvar dag

I julekalenderen min i fjor skreiv eg om Espen Eidsnes og hans prosjekt som omhandla dette å leire ein ny ting kvar dag i løpet av 365 dagar. Learn Something Every Day er eit liknande prosjekt, men sett i stand av eit kreativt byrå kalla Young. På denne sida vert du presentert for nye fakta kvar einaste dag, ved hjelp av ein kort tekst og tilhøyrande enkel grafikk. I tillegg tilbyr dei å trykke faktaene på ei t-skjorte for deg.

Lei nye ting og ekte fakta?

Då kan sida False Facts inspirere deg i den andre retningen. Her vert du også ved hjelp av enkel grafikk, primært skisseblokkteikningar, informert om falske fakta. Nok ei side for tørrprat her altså…

Det enklaste er ofte det beste – men også det vanskligste…

Ynskjer du inspirasjon til å lage ei minimalistisk side, råder eg deg til å stikke innom denne artikkelen hjå Webdesigner Depot. I tillegg til å få ein innføring i kva som er viktig for å få ei god side med minst mogleg tekst og grafikk, finn du ein del snasne eksempler der!

Søvnig?

Er du levande opptatt av Adobe sin programvare, men konstant er trøytt? Då har eg funne dei ideelle produkta til deg! På nettstaden My Suite Stuff kan du nemleg bestille puter med trekk som ikonet til eitt eller fleire av dine favoritt CS-program. Du kan også få Tweetie-trekk om du har lyst på det også. Sov godt!

End Grain

Skreiv for ei tid tilbake om skrifter og ei side som omhandla «letterpress». End Grain er ei slik side. Her kan du finne bileter, informasjon og diskusjonar rundt emnet. Dei har gjort seg føre med designet også!

Når me først er inne på temaet skrifter…

The Phuse har ein kort men niftig og informativ artikkel som omhandlar det grunnleggjande innan skrifter og kva det er. For dei av dykk som likar å vite sånt.

Davis Arias

Dette er porteføljen til David Arias (og hans kreative vener), ein frilans grafisk designer med tilhaldssted i OL-byen Vancouver. På denne sida kan du finne alt frå produktdesign til logodesign og bedriftsprofilering. Mykje deilig design for alle og einkvar!

Maler til InDesign

Det er sjeldan eg har noko knask som i større grad kan nyttast på trykk, men i dag slår eg til med ei side (eller rettare sagt 126 sider) med malar til Adobe InDesign; alt frå kalendere til bokoppsett. Stup i det!

Ikoner er jo ei fast greie på ein fredag…

• Hilario: Free Elegant 48-pixel Icon Set

God helg!

For å følgje opp dette med å ha eit tema, slik eg hadde førre fredag, slår eg til i dag med å presentere mange fotografiske inntrykk. Slik kan eg vel spare litt på antall ord eg skriv. Eit bilete seier jo meir enn 1000 ord, eller?

Fotografering via hjartet

Dei norske fotografane Marie Sjøvold, Andrea Gjestvang og Marte Vike Arnesen har ein ting til felles, nemleg det å få fram sjela i bileta. Det er då ikkje utan grunn at dei har kalla bloggen sin for Heartbeat. Verdt eit besøk!

Verda på jobb

The Boston Globe har samla ein serie med bileter av folk og fe som er fotografert mens dei er i sitt daglege arbeid.

Om du ikkje liker å stikke deg fram…

Hos Webdesigner Depot kan du finne ein artig samling bileter av mennesker som har gjennomgått eit strøk maling for å gå i eitt med bakgrunnen. Dette er vel nok eit eksempel på at folk i Asia ikkje har fritidsproblem.

Ikoniske portretter

Webdesigner Depot har mykje snop for augo. Når eg først er inne på denne sida finn eg mykje godt lesestoff, og omtrent like mykje fint å sjå på. Me er jo alle til ei viss grad opptatt av kjendisar og folk rundt oss, og kanskje også interessert i historie. Artikkelen eg her har funne er smekk full av portretter av ikoner innanfor diverse sider av historien.

Ut på tur, aldri sur…

Dersom du har planlagt ei reise i næraste framtid, samstundes som du liker å ta bileter, då er dette innlegget hjå Tuts+ Photo midt i blinken for deg! Her får du tips og triks til korleis reisa kan verte foreviga på ein god måte, og kva bileter du bør få teke i løpet av turen.

Har du brukt fotografia som skrapelodd?

Dersom du har ein god bunke med oppskrapte fotografi og har 4-5 timar til overs, kan du jo kanskje sette deg ned å fikse desse? Hjå Tuts+ PSD får du ganske god hjelp til korleis bileta kan gjenvinne si gamle heder og ære ved hjelp av Photoshop, og komme ut av skuffa og opp i lyset att!

Tips for ei god helg: Ha med nok batteri til blitzen!

Som den romantikeren eg er dagens knask fullt og heilt dedikert til klissete klisjéar og romantisk romantikk. Valentines dagen er to dagar unna, og har du ikkje allereie stabla noko saman til din kjære, er kansje tida  inne for det. Innvendingar mot dagens tema kan rettast i kommentarfeltet…

Inspirasjon i massevis!

I avdelinga for vektorgrafikk hjå Tuts+ kan du finne illustrasjonar som kanskje kan gagne dine kreative sider og imponere sin kjære stort.

Om den ovannemnte lenkja ikkje var nok inspirasjone, kan eg tipse deg om at nettstaden Abduzeedo også har ein del gode inspirasjonsillustrasjonar/bileter å vise deg!

Datakunnskapar er hjarteleg velkomen!

Det skal ikkje vere lett å vere sekretær med lite datakunnskapar i desse dagar, i vert fall om denne teiknestripa viser den generelle standarden innan den nemnte arbeidsgruppa…

Mykje lys, mykje varme…

Hos Etsy kan du handle mykje rart, blant anna produkter med hugsleiksmotiv, som for eksempel hand-i-hand-votter. Det er kanskje litt for seint å bestille ting herifrå, men du kan ta det som eit tips til neste år? Om du ikkje er ein racer på å strikke, då sjølvsagt…

For dei som tek den heilt ut…

Overskrifta er kanskje litt frekk når du ser kva temaet omhandlar, men den kom så naturleg at eg berre måtte bruke dei orda… Uansett er denne sida full av inspirasjon til korleis du kan overraske din kjære på soverommet – dekorativt sett…

Ikoner til fri benytting

Icon Eden har vore så gilde at dei tilbyr ei røys av ikoner med romantisk uttrykk til gratis nedlasting frå si side!

Når man er i det romantiske hjørnet…

For dei som ynskjer å «pynte» på sitt digitale skrivebord, finn du ein god del bakgrunnar på denne siden.

Ha ei ekstra romantisk helg folkens!

Eg stilte eit kort og enkelt spørmål på the unborn chikken si «fanside» på Facebook om eg burde starte å ha knask til deg kvar fredag. Responsen var ikkje enorm, men nok til at eg overtala meg sjølv til å gje deg det som veka byr på av fiffige ting eg finn på nettet. Eg får stupe i det!

Yaron Schoen

Eit ord: Lekkert! Nettstaden til Yaron Schoen er rett og slett ei fryd å sjå på og navigere seg gjennom. Som han sjølv seier, så kan det kanskje kallast for magi det han lager, for flott er det! Denne sida er herved satt som bokmerke i knask-mappa mi.

Work-killer

Det kan hende sjefen min ser dette, men her kjem ei anbefaling på dagar med lite gjevande arbeide. Work-killer er ikkje ei fancy-smashy designa nettside, men rett og slett ei side der du finn artige historiar og bilete frå det daglege som gjer livet litt lysare!

Wordpress-snop

Mykje bra kan seiast om Wordpress. Designet på administrasjonsdelen er ein ting eg likar ganske så godt. Det er enkelt, greit og intuitivt. Om du er den som ynskjer å forandre på dette, kan 1st Webdesigner hjepe deg på veg her. I dette innlegget kan du lese meir innstikka du kan trenge for å få det meir etter din smak.

Stefan Velthuys

Kom inn på denne sida via ei lenkje på twitter som sa at denne mannen hylla alle som nytta moderne nettlesarar. Eg tenkte at designet her måtte vere over middels, og eg fekk rett. Stefan Velthuys har ei særs god og delikat nettside! Om du ikkje likar at den er blå, kan du alltids skifte farge til grønn, burgunder eller lilla!

Andreas Gravdal

Dette er nettsida til ein kamerat av meg, Andreas Gravdal. Denne fyren har lang fartstid som foredragshaldar, og starta ved årsskiftet «eit slags kommunikasjonsbyrå» der han står på eigne bein og tilbyr seg å halde foredrag med fokus på identitet og sjølvbilete  i ungdomskulturen. Ein meget flink fyr med viktige spørsmål og bondevett!

Ikoner/skrifter

Sjølv om knasket kjem med raskare frekvens er det ikkje til å unngå å få med nokre ikon og skrifter på kjøpet. Eller ordet «kjøpe» er kanskje feil å bruke i og med at alt eg listar opp her er gratis…

• Icon Dock: Vector Social Media Icons

• The Roxor: 20 Free Payment Option Icons

• Kyle Steed: Hand Drawn Font

Det virkar for meg som om januar har gått ulideleg seint, men det kan ha vore at eg publiserte ein ny sak bortimot kvar einaste dag i desember… Uanskvett, det er fredag og eg skal nok eingong servere deg nye knask  siste fredag kvar måned dette året også! Cornflakes anyone?

Som alltid startar eg med litt snop for augo, designmessig sett. Det er ikkje mykje, men det er det eg har klart å fange opp og sett i løpet av ein ganske så hektisk januar.

Letterheady

Denne bloggen er dedikert til å vise deg noko så enkelt som brevark i forskjellige utførelsar, nye som gamle. Dersom du er meir interessert i innhaldet i brev kan eg og anbefala deg å besøke Letters of Note. Artige sider begge to!

Digital Podge

Eigentleg veit eg ikkje heilt 100 % kva denne sida er til for, men utifrå design og det eg har fått med meg av innhald, er Digital Podge eit slags referat frå ei årleg tilstelning basert på digital statistikk. Eller noko slikt. For augo mine er det uanskvett eit gjenomført og herleg design!

Kjeft’a

Kjeft a! er ein norsk designblogg. Kva den inneheld forklarer dei enkelt, greitt og kanskje aller best sjølv på sida si:

Kall det gjerne bloggens svar på mellomromanen. Ikke akkurat Umberto Boccioni, men faen ikke helt Marianne Aulie heller. Kanskje litt nærmere Keger enn Bates. Litt Honet, hvis du skjønner. Ikke Cartier-Bresson, nærmere Jamel Shabazz. Mer Jarmusch enn Michael Mann. Du vet, en blanding av Waits, Crystal Castles og gammal LL.Cool.J.
– Litt Berlin?
– Litt Berlin.

Wordboner Store

Pengar skapar ikkje gleder, det er det t-skjorter som gjer. Wordboner Store selg t-skjorter med store meiningar. Eller små. Alt etter kva for ei du kjøper.

Simon Collison

Simon Collison si heimeside er eit funn: Her er alle moderne tekniske illustrasjonar satt til side, og naturfaget er hipt att! Oversikta over kva denne karen driv med (foruten å drikke te og spane på roll-upar) er bygd opp av boksar som ein plansje med forskjellige insektstypar.

Trondheimposters

Eg skreiv på knask for oktober om Osloposters, med spørsmål om når andre byar skulle kome etter. No har Trondheim teke initiativet og starta Trondheimposters. Stord eller Bergen lar vente på seg, men me satsar på at det kjem i løpet av kort tid…

Autofullføring på Google-vis

Er du også forundra over mange av søkjeforslaga Google til tider kjem med? Du er tydlegvis ikkje åleine, skal me tru nettsida Autocomplete Me. Her er det nemleg samla eindel forslag som kanskje ikkje heilt er det rette…

Ikoner/brusher

Aldri ein fredag utan… Ja, du veit korleis den går etterkvart:

• Icon Shock: Heartquake Prevention Icon Set
• Web Design Ledger: The Best Icon Sets for Minimal Style Web Design
• Deziner Folio: 30 Free Vector Icons
• Some Random Dude: Iconic Icon Set
• PSDtuts+: Massive Collection of Over 1,000 Floral Photoshop Brushes

Likar eg ikkje typografi lenger?

Svaret på det er: SJØLVSAGT! Har rett nok ikkje publisert så mykje typografi-relatert i dagens knask, men det er ein god grunn for det. Eg har nemleg eit relativt fullspekka innlegg på plakaten om akkurat det temaet. Det vert publisert plutseleg!

Ha ei strålande helg folkens!

Julegåvene er vel fortært i ivrige og spente hender, maten frå julekvelden ligg fortsatt godt i magen, julefreden byrjar å synke inn og julenissen takkar for seg. Det er årets siste fredag og siste «Knask på ein fredag» i 2009 er klar til å ta i mot di digitale leselyst!

Sjølvsagt kan eg fikse alt!

Denne sida er rett og slett genial i sin enkelhet. På There, I Fixed It kan du sjå og lese om meir eller mindre gode løysingar på korleis ein skal fikse øydelagde ting og tang (via Christoffer).

Klipp og Lim

Kan vel diskuterast om det er eit heldig eller mindre heldig val av namn på kommunikasjonsbyrået Klipp og Lim som held til Trondheim, men nettsida deira er i alle fall fin å sjå på. Sida er også elska av CSScake.

I all enkelhet

I all enkelhet er firmabloggen til Netlife Research og gjer deg artikler om brukervennlegheit. Blant anna kan du lese at i eit nettskjema er det nok med berre ein knapp for å lede brukaren gjennom. Om det ikkje er interessant nok, kan du jo alltids få råd frå Eyvind Hellstrøm…

SLV

SLV står for Sound, Light og Vision, og dersom min belgiske-engelsk ikkje er heilt ute å køyrer er dette eit firma som leiger ut lyd-, lys og visningsutstyr. Språkkunnskapa mine satt til side: Denne nettstaden er vel gjennomført!

Full fest!

Kva skjer i Uggabush når dyr spis forderva frukt? Videoen under forklarer det tydleg nok vil eg tru…

Ikon/piktogram

Eg avsluttar tradisjonen tru årets siste «Knask på ein fredag»-spalte med eit par lenkjer til ikon og piktogram. Enjoy!

• 8 free pictogram icon libraries and collections
• 330 Free Letter Pressed Icons
• 50 Beautiful Free Icon Sets For Your Next Design

God helg! Sjåast i 2010!

Det er julaftan. Dagen for glede, familiesamhold og gåver. Mykje gåver. Eg grubla lenge over kva som skulle vere årets julekalendergåve bak luke 24, og må innrømme at tanken har slått meg: Vil folk synes det er ei god gåve på ein vev-, design- og typografiblogg det eg har å gje i dag? Opne og døm sjølv!

No har det jo seg sånn at det er klart for ein ny «knask på ein fredag» allereie i morgon, men sidan det er jul kan me vel unna oss litt ekstra knask. I dag vert det eindel lenkjer til gode artiklar og showcases innan emna typografi, design og vevdesign eg har funne på nettet. Enjoy!

Typografi

Leik med bokstavar

Skrift har stor betydning for resten av designet

Kerning og tracking i typografi (del 1 og 2)

Design

Vis kva du kan av design allereie i anbudet

50 eksempler på god pakningsdesign

Hoppe frå design på trykk til vevdesign

Vevdesign

Blogger med originalt design

Vevsider med god bruk av transparent grafikk

God jul frå meg til deg!

Klikk for større utgåve!

Eg avsluttar med julekortet til meg og madammen, og ynskjer med det deg og dine ei god jul og eit riktig godt nytt år!

Me er allereie komen til slutten av november. På ei side er det bra, på ei anna side e betyr det at me no går inn i ei stressande tid med innkjøp av gåver og vidare. Godt er det då at eg kan gje deg eit par-tre minuttar med knask som vertfall får dagen i dag til å virke avslappande og god!

Kreativt innhald

Her er eit par nettstader med innhald som kan gagne dine kreative sider.

Holte Design

Holte Design er enkeltkvinneforetaket til Mia Holte, ein dyktig vevdesigner frå Skien. Eg er ein ivrig besøkande til bloggen hennar og følg med på hennar twitter-oppdateringar så godt eg klarar. Denne dama har peiling!

Bevar Nordmarka

Denne sida, lansert av Norges Naturvernforbund, oppfordrar deg til å vere med å starte verdas største klagekor. Etter å ha vore inne på sida er eg både facinert, stolt av å ha deltatt og tilslutt vorten heilt ko-ko av klagekoret. Det må jo berre funke.

Society of Publication Designers

Society of Publication Designers er ein forening som støttar opp under arbeidet som står bak eit godt innhald, både bilete og tekstmessig, på magasiner.

Creative Criminals

Creative Criminals består av tre kameratar som gjerne via bloggen sin vil vise deg kreative reklamer og PR-materiell. Kjem ikkje heilt opp i mengden som I Believe In Advertising presenterar, men sida er likevel verdt eit besøk!

Design Fridge

Design Fridge er ikkje noko kjølege greier sjølv om namnet seier noko anna. I dette galleriet kan du finne det ferskaste innan vevdesign, der CSS og Flash er viktige elementer/kriteriar for eit godt design.

Eit tips på ein fredag

Nei, eg skal ikkje byrje med ei ny spalte på fredager, men eg fann ikkje noko betre tittel. Er du på jakt etter ny logo og lurar på korleis du skal gå fram eller sjå korleis andre har løyst utfordringa?

Då bør Your Logo Makes Me Barf vere plassen du må innom for å sjå logoen kan verta om du nyttar deg av «designkunnskapane» til bror til kjærasten til son til din onkel. Her har dei nemleg samla logoar som ikkje burde sett måneskinnet eingong.

Har man derimot lyst å sjå runde logoar som har slått gjennom, har Webdesigner Depot ein sak om dette som er verdt å få med seg.

Lyst å lage bra tema til Wordpress?

ThemeShaper har ein genial oppskrift på korleis man lager søkjemotoroptimaliserte (SEO) og gode tema til Wordpress. Denne guiden viser deg også korleis temaet ditt vert klart for widgets.

Når man er lei det digitale, har man alltids Fred

Når man ikkje lengre har lyst å briefe med kva online widgets og andre applikasjoner som gjer kvardagen din enklare og morosam, då er det på tide å bestille frå katalogen til Fred & Friends. Her kan du finne pizzakuttere forma som vinkelsliper og isbiter forma som elementer frå Space Invaders og skulpturane frå Påskeøya. Kvar sin smak!

Ikoner

Eg kan ikkje la deg ta helg utan å ha gitt deg litt ikoner i dag heller. Versågod!

• 200+ Free Exclusive RSS Icons: “Supra”
• 750+ Stunning Icons In 49 Icon Packages
• Gentle Romantic icons

Brusher

Lenge sidan sist eg presenterte brusher til Photoshop, men plutseleg dukka det nokre opp på twitter:

• 250+ Free Photoshop Spray Brushes
• Hand-Drawn Photoshop Brushes Collection
• Create Christmas designs with 50 Photoshop brush sets

God helg!

Reklamebransjen og det dei kjem opp med kan oppfattast som både hardt, irriterande og unødvendig, men etter mi meining motseier eksempla som eg kjem med i dag dette ganske kraftig.

Morosame annonser

Kreative folk og kreative idear er viktige i reklamebransjen. Det vises også att i utvalget Webdesigner Depot har plukka ut her.

Det finnes også mange gode TV-reklamer der ute, norske inkludert. Norsk Tipping sine er jo klassikarar å rekne. Under er ein frå Toyota. Ikkje den mest morosame, men likevel eit artig avbrekk i ein ellers kjedeleg reklamepause:

«Mørke» annonser

I tillegg til å presentere ei røys med morosame annonser, har også Webdesigner Depot ein artikkel som omfattar litt «mørkare» annonsering. Sjå sjølv!

Kutt røyken

Det er vel mange av dei som ynskjer å stumpe røyken for godt, og kampanjane på kor farleg det er florerer der ute. Behance Network har lagt til ein serie med artige «Stump røyken»-kampanje. Verdt ein kikk!

Klassiske amerikanske annonser

Kanskje litt overkant av Pepsi-reklame her, men la oss ikkje henge oss opp i småting. Dessutan drikk eg aldri Pepsi eller brus generelt… Poenget er at dei ser ut til å kunne lage gode reklameannonser/-plakater på 1950-talet også. Wordpress Arena har samla 50 av dei slik at me kan verta inspirert. Om du vil sjå meir 50-tals grafikk/materiell, kan dei også anbefale nettstedet Plan 59.

Å ha trua på reklame…

I Believe in Advertising trur eg har nemnt for deg før, men det er ei side som er verdt å nemne igjen. Her finn du ein salig samling av gode annonser, TV-reklamer og andre kommunikasjonsmessigheitar. Sikkert eit nytt ord det siste der, men hos meg er alt lov.

Det meinar i allefall Volkswagen med sin «Rolighetsteorin». Dei har starta ein kampanje som går på dette med å forandre på folks meiningar og korleis det gjer ting ved hjelp av glede. Eller rett og slett for å få folk til å kjøpe deira BlueMotion-bilar…

Uanskvett så er tanken bak ganske god. På nettsida som fronter kampanjen kan du sjå tre eksempler på korleis små enkle ting kan utgjere store forskjeller i folks tankegong. Under ser du kor enkelt det er å få folk til å ta trappa istaden for rulletrappa:

Dei har også eit stipent på 25.000 Skr som skal deles ut til den som kjem opp med den beste ideen som kan bevise denne «Rolighetsteorin» deira. Kampanjen varar til 15. desember.