Bruken av HTML5 og CSS3 er på kraftig inntog i den digitale verda. Desse nye kodespråka opnar for stadig nye opplevingar via nettlesaren — særleg om du har ein som støttar standarden fullt ut. Hjå Chrome Experiments vert dette teke så langt det er mogleg.

Chrome er kanskje den nettlesaren som støttar den nye standarden meir eller mindre fullt ut, og på denne nettstaden kan du sjå eksempler på kor langt man kan gå når man utviklar ei nettside med standarisert HTML5 og CSS3-kode — og med god hjelp frå fiffige JavaScript-snuttar…

The Wilderness Downtown

Eit prosjekt som fanga augo mine her var The Wilderness Downtown. Dette er ein interaktiv film av Chris Milk som dreg nytte av standarden for å vise video og grafiske element på ein heilt ny måte, og som gjer opplevinga fullkomen med eit personleg preg.

Du vert først beden om å skrive inn gateadressa der du vaks opp (noko som fungerer dårleg om du ikkje bur i dei største byane her til lands) før du startar videoen. Grunnen til at du må skrive inn denne er for at nettsida skal kunne hente informasjon frå Google Streetwiev til å skape ein meir personleg og heilt unik visning.

Eg skal ikkje avsløre akkurat kva som skjer, men saman med musikken til Arcade Fire sin We Used To Wait er dette ein musikkvideo langt frå det som er daglegdags. Vel og merke må du ha Chrome installert på maskina di, samt ha ein større skjerm enn min 14″ bærbare…

“You are the CSS to my HTML”

Webdesigner Depot har samla ei heil røys, eller 25 om du vil,  med t-skjorter der motivet er retta mot oss designarar og utviklarar. Med påskrifter som “You are the CSS to my HTML” og “Will kern for food” er dette plagg eg lett kunne kjøpt og gått rundt i.

Inspirasjonskilda

Convoy er eit vakkert syn for augo med ein av dei mest fantastiske samlingar av motiv frå ting me omgjer oss dagleg. Alt frå interiør til portretter og klede. Etter å ha bladd meg gjennom den evig lange inspirasjonskilda av ein blogg, sit eg att med tanken: «Sånn vil eg også ha det!» Ikkje la denne gå hus forbi om du treng nokon nye tips til heimen. Tog du an?

The Hunch

Rasmus Andersson har visstnok følelsar for ting. Den leiande designeren av Spotify skal straks over dammen for å videutvikle Facebook — ein nettstad eg med sikkerheit kan seie inneheld mange følelsar, og det passar jo fint! Eg falt for denne nettstaden på mange nivå. Først og framst er den typografisk lekker, rein og oversikteleg. Fine fargar har den også. For det andre er den ganske lik mi. Om det er bra eller dårleg får du avgjere…

Mr. W.

Dette er ein av dei betre reklamane eg har sett på lenge. Eg må vel leggje til at eg ikkje har sett reklamer på ei stund sånn generelt sett, men denne er verdt å kikke på. Fin!

Vart videoen over for keisam, eller du vil ha ein liten pause i tittinga? Her er eit tips:

Open a Youtube video, pause it and hold the left arrow key for 5 seconds. Play snake.
Piraja

Wing Cheng

Wing Cheng er ein nederlender på 22 år som ser ut til å kunne sine saker. I alle fall om me skal tolke det utifrå den lekre heimesida/portelføja hans. Her kan du finne alt frå illustrasjonar til nettløysingar og grafisk design.

Inception — på LEGO-måten…

LEGO er ein fin oppfinning. Eg nemnte eit par i førre knask, men dets geniale enkelheit kan du sjå att i mange fleire kreative samasetningar rundt på nettet. For dei som har sett filmen Inception (eg er vel ein av dei få som ikkje har sett den) kjenner du vel kanskje att scena i biletet over. Profound Whatever og Ochre Jelly er to Flickr-brukere som nyttar ein del meir tid enn dei fleste på å gjenskape ting i akkurat LEGO, blant anna forskjellige scener frå denne filmen.

Ikoner

For dei av dykk som byrjar å gå lei av å måtte nytte standardskrifter i designet av ei nettside, berre for å blidgjere alle typer nettlesarar og operativsystem, kan eg i dag tipse om nok ein lovande skrifterstatter på veven: Webtype.

Webtype er, på lik linje med Typekit og Google Font Directory, ei teneste for å nytte skrifter på veven som du ikkje kan få til utan at brukaren sjølv har den aktuelle skrifta installert på sin datamaskin. Bak dette nye prosjektet, lansert 17. august, står Font Bureau saman med Ascender Corp.

Alt godt i livet er gratis, eller?

Både Webtype og Typekit er til ei viss grad ei teneste man må betale for å få full tilgong til alle skriftene i deira bibliotek. Den største forskjellen mellom desse to er at Webtype er basert på pris per besøkjande eller utifrå båndbreidda du har på nettstaden din.

Ein av fordelane som vert trekt fram er at det er mogleg å bla gjennom kategoriar basert på storleiken dei skal nyttast i. Bla deg gjennom katalogen deira for å sjå dette i praksis.

Men…?

Det er ikkje noko særleg å utsetje på denne tenesta, den virker enkel og grei i bruk: Du finn den skrifta du ynskjer å nytte, legg den i handlekurven og definerer kva for side/prosjekt den skal nyttast på. Du får ein liten kodesnutt du skal leggje inn, og voilà så har nettstaden din fått nytt ansikt.

Det er også full støtte for skriftene på f.eks. iPhone eller iPad for dei som måtte lure på det.

Anbefalt?

Prinsippa for alle desse tre typane eg har nemnt over er i utgongspunktet likt. Det er utvalget som skijler dei i det store og det heile — og det du ynskjer å betale for. Om du føler Google Font Directory ikkje klarar å dekkje ditt behov er det absolutt verdt eit forsøk eller tre. Som i butikken på hjørna har du her 30-dagars full returrett — eller prøveperiode om du vil øydeleggje ordspelet…

• Sjekk ut Webtype sjølv her!

Eg har lenge lurt på om eg skulle skifte ut designet på bloggen min. Som regel går det mykje tid på å prøve å finne det rette uttrykket, og som oftast går det meste i bossbytta før det har sett dagens lys. Designet du ser no vart eit unnatak på alle måtar. Det vart satt saman i løpet av eit par korte, men effektive dagar foran PC-en. Utkast 12 av versjon 10 av the unborn chikken er ein realitet!

Typografimanien tek overhand

Som ein tilhengjar av god typografi skal eg gjere eit forsøk på å gjennomføre det på mi eiga side. Eg startar difor med blanke ark og tilnærma ingen grafiske elementer i designet mitt. Om det feiler eller vert ein suksess er det nok ingen som veit. Det som er sikkert er at det er mange grep som må til for å få den nær perfekt. Heilt perfekt får perfeksjonister som meg det aldri…

Dette eit eit altså eit prosjekt som ikkje er heilt ferdig. På lik linje som det Mia Holte har gåande på si side, skal bloggen og designet stadig utvikle seg frå dag til dag. Gjerne til noko betre, sjølvsagt. Til dette treng eg absolutt di tilbakemelding, så skyt ut i kommentarfeltet under!

Fokus på betre og fleirspråkleg innhald

Ikkje det at eg sjølv meiner eg skriv dårleg, men eg skal prøve å tileigne meg eit betre nynorsk språk og fokusere kraftig på tekstane eg skriv. Eg skyt meg sikker sjølv i foten ved å seie det, men litt må eg jo klare å yte!

Eg ser også at det er ein høgare andel av ikkje-norsklesande mennesker som vitjar bloggen min. Dette kan eg ikkje berre la gå hus forbi. Majoriteten der ute er jo frå andre land enn vesle Noreg. Min kunnskap om engelsk strekk seg ikkje altfor langt, så eg ar valgt å berre oppsummere kort kvart innlegg på dette litt meir internasjonale språket. Håpet er at dette kanskje kan trekke fleire besøkjande frå andre delar av verda!

Det er ikkje alle saker som er oppsummert på engelsk endå, men det kjem plutseleg!

«Pappa, pappa! Eg er ferdiiig!»

Eg har vorten pappa for fyrste gong, og frasen over kjem nok sikkert fortare enn eg anar. At eg har vorten pappa betyr nok meir fokus på familien i den næraste tida. Dette får meg kanskje til å sjå annleis på ting, og det kan gjenspeile det eg skriv om her på bloggen min. Eg skal ikkje slutte å skrive om typografi, grafisk design og det som er aktuelt innan design på vev, men du skal ikkje sjå vekk i frå at det eg skriv om kan innehalde ganske klare preferansar til papparollen. Eg ber på førehand om orsak for dette.

Dotter mi, Oline, kom til verda 24. juni 2010, tre måneder for tidleg. Ho var ikkje store jenta, berre 35 cm lang og vog 810 gram. Til tross for den minimale storleiken er ho sterk som ein okse og veks stadig! Følg gjerne med på bloggen til kona mi og meg for oppdateringar på denne fronten!

Sluttord

Som nemnt er både bloggen og designet i stadig utvikling, og set pris på alle tilbakemeldingane eg kan få! Ha ein fortreffeleg dag vidare.

Fredag er dagen som mange elsker! Forhåpentleg er det same følelsane folk har for mi faste spalte… Uanskvett om du har ferie, arbeidar eller rett og slett driv dank, slå eit slag for det keisame og gjer deg klar for ei ny spalte med knask!

Noko du misliker? Set eit stempel på det!

Det er ganske mange av oss som er medlem av det sosiale nettverket Facebook. Faktisk bikka dei  500 millionar førre veke. Dette kan nok føre til at me har vanskeleg for å skilje den digitale og analoge kvardagen ved at du ynskjer å angre hendingar ved å trykke CMD/CTRL+Z og like/ikkje like tekster og bileter du ser. London-firmaet Nation har gjort noko som kanskje kan hjelpe for sistnemnte. Dei har nemleg laga eit stempel med Like og Dislike. Treng du ein slik, kan du kjøpe dei her.

LEGOmania

Er du glad i både gode filmar og LEGO? Fint! Amusing Planet har samla ein god del filmplakatar som er gjenskapa ved hjelp av LEGO-brikker og -figurar. Likar du betre historiske bileter? Ja, då finst dei også i LEGO-utgåve!

Sharif Lukman

Sharif Lukman (må ikkje forvekslast med ein viss dekkbaron) er ein flink mann. Han er ein dreven kar på å designe ikoner og interaktive media, som for eksempel Tapmonkeys iPhone applikasjon Tourist. Portefølja hans er full av gode eksempler på akkurat dette.

Kven elskar støv?

I Love Dust ser ut som ein god kandidat — i alle fall om me skal tolke namnet. Det er ikkje tilfelle slik eg ser det, for denne bedrifta er dyktige på det dei gjer innan illustrasjon, kreative prosessar og grafisk design. Og det samlar fint lite støv til tross for at dei held hus i flott dekorerte kontor i tjukkaste London. Eller, kva veit eg? Eg har jo aldri vore i London…

Inspirasjon.

På jakt etter inspirasjon i det daglege? Thomas Moen, mest kjend som mannen bak iPublish har oppretta ein tumblr-blogg der han sper på med bileter og tekstar han finn inspirerande. Kanskje du finn noko der du også?

Kven kom fyrst; høna eller egget?

Gleda over reklame er todelt. Det er dei som hatar det som pesten fordi det forstyrrar sundagsfilmen midt i det mest spanande partiet. For andre, som meg, kan reklame vere ganske så vakkert og lattermildt. Hjå Ads of the World kan du blant anna finne ut kven som kom fyrst av høna eller egget.

Ikoner

Aldri ein fredag utan Noreg Rundt, ifølgje NRK. Hjå meg er det alltid ikoner på lur, slike som under:

Det er ei stund sidan eg lasta opp ei ny skrift her på sida mi, men eg har ikkje ligge på latsida av den grunn. Analfabet er ei ny skrift eg har hatt på teiknebrettet ei god stund, men tidsklemma har ført til at eg ikkje har fått fullført den før i dag.

Analfabet er i likheit med Asphyxiate basert meir eller mindre på mi skriblerihandskrift. Denne utgåva er derimot berre i kapiteler, men med forskjellig utsjånad for versalane (dei store bokstavane) og minusklane (dei små bokstavane). Den er genial for bruk på design som krever eit «journalistisk» preg over seg.

Det er ei OpenType-skrift, noko som vil seie at du kan nytte den på både Mac og PC. I tillegg har eg definert nokre tillegsteikn som ligaturar for dei som likar slikt.

• Test ut Analfabet på skriftsida mi og last den ned!

Det finst mange gode teikneserier der ute og variasjonen av type tema som vert teke opp er stor. I mi sporadiske surfing på veven dukkar det stadig opp noko nytt å fortelje om. Denne gong er det ei ny finurleg stripe på nett som kanskje er verdt å tipse deg om…

Handlinga i stripene føregår i det fiktive firmaet Schitzen & Plumstead som driv med digital markedsføring, og det fell då naturleg at stripa omhandlar veven, dens mange kreatørar og deira ytringar. Det er nesten som eg kjenner meg att i det meste…

• Les alle stripene på Agents of Digital si heimeside

Det er ein skog av tekst der ute, og det vert ikkje mindre av det for kvar dag som går heller. Då er det særs viktig at den tek seg typografisk godt ut om den skal verta lagt merke til i mengda.

For å starte rett på, får du eit sitat som ikkje kunne vore meir på spikeren når det gjeld å finne den riktige skrifta til prosjektet ditt:

Protip for finding good fonts: Delete all your shitty ones.
Liam McKay

Typografi er ikkje det same som topografi…

Om du sit i solstolen og lurar på kva typografi er, kan gjengen frå The Art Institute of California fortelje deg alt om dette i musikkvideoen under. Har du lyst å syngje med kan du også finne songteksten på nettstaden for prosjektet.

Ikkje din type?

Eg har ein forkjærleik til t-skjorter med eit teit eller artig budskap og i særleg grad dei som viswr budskapet via tekst. Om Arial, Times New Roman eller Comic Sans ikkje er din type, stikk inn på _not my type og skaff deg eit heftigt antrekk i form av ei t-skjorte eller ein hettegenser.

Møt din type!

Om du føler at t-skjorter ikkje er din type uttrykksform for typografi, sjekk heller ut dette 52-siders heftet hjå Font Shop. I dette heftet, som du både kan sjå på nettet eller kjøpe i fast form, finn du mengder av inspirasjon og veiledning for å finne fram til den store «hugleiken»: Typografien.

Ingen grafikk betyr meir plass til tekst

Treng ei nettside grafikk? Både ja og nei, men det som gjelder for ei nettside er generelt det å formidle eit budskap. Det viktigste for Ryan Urban og hans enkeltmannsføretak fringe. er definitivt det å formidle eit budskap utan å nytte grafikk.

Gratis er ein fin eigenskap

Sjølv om man alltid skal belønne den kreative biten av skriftdesign, er eg glad i å finne gode skrifttypar som man kan laste ned gratis og til meir eller mindre fri bruk. Under har eg samla enkelte du kan nyte i ditt neste prosjekt:

Dekar

Skrifta Dekar kan du laste ned og bruke til kva du vil (les gjerne denne PDF-en), og sidan den er OpenType funker den like bra på PC som Mac. Fin er den også.

Deja Rip

Deja Rip er ei lekker skrift med mange bruksområder, men kostar litt småpeng. Fortvil ikkje! Det som er så fint med denne, er at du  men du kan laste nettvarianten av skrifta heilt utan kostnad! Sjekk ut Deja Web her!

Arcus

Arcus er nok ei lekker skrift, og du kan kjøpe/laste ned standard og kursiv-utgåvene av denne skrifta hjå MyFonts. Makan til giverglede!

Ampersand

Det er sjeldan du finn gode og fine skriveskrifter installert på din datamaskin når du kjøper den. Comic Sans og Brush Script er verkeleg ikkje noko å bruke om du vil at plakaten, diktet eller kva du lagar til, skal skilje seg ut i mengda. Det finst mange gode handskrifter der ute som du kan nytte deg av, gratis! Ampersand er ein av dei du bør ha på maskina di før du slår den av i dag. Den er enkel, men bugnar over av særeigenheit!

Dagane går og anten du vel å kjøpe brukte kyr eller ikkje, er sommaren og agurktida rett rundt hjørna. Eg likar agurkar som knask, men sidan ikkje alle liker det gir eg deg denne miksen av digitalt knask i stedet: Det er fredag!

Mjølk er godt!

Eit glas mjølk kan vere forfriskande til ei fersk skive med skinke og salat. Orsak om biletet over var for frekt, men det er jo fredag, er det ikkje? I det siste har det også dukka opp ein del design som er kraftig inspirert av drikka, og som fangar interessa di. Nettstaden Abduzeedo har samla nokre for å glede augo våre. Einaste som manglar no er vel ein pakke med Oreo…

CitID – gje namnet på byen din eit ansikt!

Dette er eit prosjekt som går på å synleggjere kjente og ukjente byar ved hjelp av eit eige skriftsnitt eller uttrykk.

Ever heard of Tegucicalpa? How about Sandnes or Brunswick? Probably not.

Du er invitert til å sende inn ditt forslag, og kanskje du kan ende opp i boka dei planlegg å gje ut? Stikk innom og legg att «fingeravtrykket» til din by!

Levande design

Bileter seier meir enn ord, og difor meiner eg det er nok å berre linke til denne fantastiske nettstaden  frå Asif R. Naqvi til alle kreative sjelar der ute: Living Design…

Maksimere, maksimere…

Maksimer har halde på ei stund (tidlegare under namnet b-found) med å maksimere nettsteder, men har ikkje før no klart å stable ei eige side på beina. Reint, ryddig og fint å sjå på. Maksimal glede!

Ikoner, ikoner og atter ikoner…

Mashable har samla ei liste med dei ti beste, eller vakraste om du vil, minimalistiske ikonsetta du kan finne på nettet i dag.

Ingen typografi, herr Kvalheim?

Nei, stemmer det. Eg har ikkje teke noko om typografi med i dagens spalte, men ikkje fortvil! Eg held på å skrive eit lengre innlegg som omhandlar mitt favorittemne. Den som venter litt til, får sjå!

God helg, lesarar!

Mai er straks over, og det betyr at det resten av året ikkje vert nokon offisielle raude fridagar før 1. juledag. Lykke? Neppe. Godt er det då at eg kan presentere i alle fall litt knask til deg før helga og juni tek over.

Techi – dagleg dose av teknologi

Dette er ei ny side som vart lansert tidleg i mai, der du kan finne nyttige artiklar som omhandlar teknologi. Dei meiner at det dei driv, og skriv om, ikkje er tørt og kjedeleg. Tvert om! Stikk innom og sjå om dei klarer å halde lovnaden.

Kvil i fred PC vs. Mac

Nei, eg skal ikkje kome med saftige meiningar om den evigvarande diskusjonen om kva som er best av PC og Mac. Det er heller ein trist nyheit om ein reklamekampanje som har gått i fleire år eg har å kome med. Apple sin «Get a Mac»-reklame enda sine glansdagar i førre veke, overteke av ein kjedeleg kvifor-du-elskar-Mac-greie med masse over-fargerike bileter og langdrygen tekst. One More thing har klippa saman ein liten video av diverse høgdepunkt frå serien som du kan sjå her.

There’s an app for that

Jøsses, her er visst endå ein sak om Mac. Eller, det vil seie at den er KRAFTIGT inspirert av reklamene til Apple og iPhone. På nettstaden App For That kan du lese bidrag frå folk om alt dei meiner det er ein applikasjon for. Det skulle ikkje forundre meg om det var ein applikasjon for å finne applikasjonar…

Haik Avanian

Dette er den lekre vev-/foto- og skriftportefølja til Haik Avanian. Treng eg seie meir? Vel kanskje, men venene hans forklarar sikkert betre kven dette er.

Glad i sløyd?

Og endå betre; er du i tillegg glad i å lage film, då bør du få med deg denne musikkvideoen med artisten Tim Knol og laga av Sverre Fredriksen. Vakkert!

Frå digital 2D til ekte 3D

Til slutt i dag kan eg tipse deg om noko du skriv med på datamaskinen og får ut i ekte 3D. Og med ekte meiner eg sånn skikkeleg ekte. Skrifttypen Punched Out er skrifta du skal nytte om du vil kunne skrive ut, klippe, lime, herje og tilslutt få ei snasen 3D-skrift du kan ha ståande på bordet ditt. Den er til og med gratis.